'ఎవరికీ చెప్పొద్దు'- ధోనీ హఠాత్తుగా ఆహ్వానించాడు. షాక్ లో రైనా!

ధోనీ, రైనా క్లోజ్ ఫ్రెండ్స్. వీరిద్దరూ దాదాపు ఒకే సమయంలో భారత్ తరఫున అరంగేట్రం చేశారు. అదేవిధంగా చెన్నైలో వీరిద్దరూ మొదటి నుంచి చాలా ఏళ్లు కలిసి ఆడారు. రైనా తన ఆత్మకథలో ధోనీని తన అన్నయ్యగా కొనియాడాడు. ధోనీ, సాక్షి 2010లో వివాహం చేసుకున్నారు. ధోనీ తనను పెళ్లికి ఆహ్వానించిన విషయాన్ని రైనా స్వయంగా పంచుకున్నాడు.

'ఓ రోజు ధోనీ నాకు ఫోన్ చేసి 'ఎక్కడున్నావు?' అని అడిగాడు. నేను లక్నోలో ఉన్నాను" అన్నాను. 'డెహ్రాడూన్ లో నా పెళ్లి జరగబోతోంది. ఈ విషయం ఎవరికీ చెప్పొద్దు. త్వరగా బయలుదేరిరా. నీకోసం ఎదురుచూస్తూ ఉంటాను' అని చెప్పారు. నేను కూడా వెంటనే నేను వేసుకున్న సాధారణ దుస్తులతో వెళ్లిపోయాను. అక్కడికి వెళ్లి ధోనీ దుస్తులు వేసుకొని పెళ్లికి హాజరయ్యాను' అని రైనా తెలిపాడు. ప్రస్తుతం ఈ వీడియో నెట్టింట్లో వైరల్ అవుతోంది.

రైనా పూర్తిగా క్రికెట్ కు వీడ్కోలు పలికినప్పటికీ ధోనీ, రైనా తరచూ కలుస్తుంటారు. ఇటీవల ధోనీ ఇంట్లో ఏర్పాటు చేసిన విందుకు రైనా హాజరైన ఫోటోలు కూడా ఇంటర్నెట్లో వైరల్ అయ్యాయి.