ఈ రోజు అరేబియా సముద్రంలో ఓ ట్యాంకర్ నౌక చమురును తీసుకెళ్తోంది. నౌక మధ్య సముద్రంలోకి వెళ్తుండగా అకస్మాత్తుగా ఆ నౌక మీద డ్రోన్ ఆకాశం నుంచి దాడి చేయడం జరిగింది. ఈ దాడి వల్ల నౌక పేలడంతో నౌకకు మంటలు అంటుకున్నాయి. నౌకలో ఉన్న ఎవరికీ గాయం కాలేదు. అరేబియా సముద్రంలోకి వెళ్తుండగా జరిగిన ఈ దాడి భారత్ ను లక్ష్యంగా చేసుకుని జరిగిందా అనే ప్రశ్న ఉత్పన్నమవుతోంది. కొద్ది రోజుల క్రితం మాల్టాలో రిజిస్టర్ అయిన సరుకు రవాణా నౌకను సముద్రపు దొంగలు హైజాక్ చేశారు.
నౌకలో గాయపడిన భారతీయ నావికుడిని భారత నావికాదళం రక్షించింది. ఈ ఘటన జరిగిన రెండు రోజులకే అరేబియా సముద్రంలో ఓడపై డ్రోన్ దాడి చేసింది. దాడికి గురైన నౌకలో 20 మంది భారతీయ నావికులు ఉన్నారు. పోర్ బందర్ కు 217 సముద్ర మైళ్ళు దూరంలో భారత నావికాదళానికి చెందిన ఓ నౌక సరుకు రవాణా నౌకను వెంబడించేందుకు వెళ్తుండగా ఈ డ్రోన్ దాడి జరిగింది.
సముద్రం మధ్యలో దాడికి గురైన ఓడ లిబియాలో రిజిస్టర్ అయిందని బ్రిటన్ మిలిటరీ ఇండస్ట్రీ, ట్రేడ్ అండ్ సెక్యూరిటీ ఏజెన్సీ ఒక ప్రకటనలో తెలిపింది. ఈ నౌక ఇజ్రాయెల్ కు చెందినది. డ్రోన్ గాల్లో నుంచి దాడి చేసింది. దీనిపై విచారణ జరుపుతున్నారు. ఈ నౌక ఇజ్రాయెల్ కు చెందినది కావడంతో హమాస్ దాడి చేసి ఉండొచ్చనే కోణంలో దర్యాప్తు చేస్తున్నారు.
గాజా సిటీపై దాడిని ఆపాలని ప్రపంచ దేశాలు ఇజ్రాయెల్ పై ఒత్తిడి తెస్తున్నాయి. కానీ ఇజ్రాయెల్ యుద్ధాన్ని ఆపాలనే ఒప్పందాన్ని నిరాకరించింది. గత నెలలో ఇజ్రాయెల్ నౌకపై ఇరాన్ దాడి చేసింది.