కోవిడ్ ప్రజలకు భయంకరమైన రోజులను చూపించింది. ప్రజల జీవితాలను, జీవనోపాధిని అతలాకుతలం చేసిన కరోనాని పూర్తిగా అంతం చేయలేక పోయాము. దాని ప్రభావం అక్కడక్కడా కొనసాగింది. ఇప్పుడు గత కొన్ని వారాలుగా మళ్లీ కొత్త వేరియంట్ పుట్టుకొచ్చి బీభత్సం సృష్టిస్తోంది.
ఇటీవల అమెరికాలో కొత్త వేరియంట్ JN.1 కేసుల సంఖ్య పెరిగింది. ఈ వేరియంట్ స్ట్రెయిన్ అమెరికాకు మించి చాలా దేశాల్లో కూడా కనిపించింది.
ఈ నేపథ్యంలో కొవిడ్-19 కేసులు, దాని వ్యాప్తిని పర్యవేక్షించాలని ప్రపంచ ఆరోగ్య సంస్థ (WHO) ప్రపంచ దేశాలను కోరింది.
BA.2.86 కొత్త వేరియంట్ అయిన JN.1 ప్రభావం భారత్లో భయాందోళనలు సృష్టించింది, ఇప్పుడు ముప్పుగా పరిణమిస్తున్న కొత్త వేరియంట్లకు వ్యాక్సిన్ ఇవ్వాలా వద్దా అనే ప్రశ్న కూడా తలెత్తింది.
ప్రస్తుతం ఉన్న కొత్త సబ్ వేరియంట్కు వ్యతిరేకంగా అదనపు డోసు వ్యాక్సిన్ అవసరం లేదని సార్స్-కోవ్-2 జినోమిక్స్ కన్సార్టియం అధ్యక్షుడు డాక్టర్ ఎన్. కె. అరోరా తెలిపారు.
ఇక భారత్ విషయానికొస్తే అక్టోబర్ నెలాఖరు నుంచి ఇప్పటి వరకు కొత్త వేరియంట్ బారిన పడిన వారి సంఖ్య 22గా నమోదైంది.
జ్వరం, దగ్గు, తీవ్రమైన ఒళ్లు నొప్పులు , ఒమిక్రాన్ వంటి వేరియంట్ల వల్ల వచ్చే డయేరియా వంటి లక్షణాలను JN.1 వేరియంట్ వల్ల కూడా మన ఒంట్లో కనిపిస్తాయి. అందువల్ల, దీని మధ్య తేడాను గుర్తించడం కష్టం.
60 మరియు అంతకంటే ఎక్కువ వయస్సు ఉన్నవారు, రోగనిరోధక శక్తిని తగ్గించే మందులు తీసుకుంటున్న క్యాన్సర్ రోగులు వంటి కోమోర్బిడిటీతో బాధపడుతున్నవారు తమను తాము రక్షించుకోవడం చాలా ముఖ్యం.
అందువల్ల కొత్త వేరియంట్కు వ్యతిరేకంగా అదనపు మోతాదు వ్యాక్సిన్ అవసరం లేదు. వ్యాధి నివారణకు ముందుజాగ్రత్త చర్యలు చేపట్టినట్లు ఎన్. కె. అరోరా తెలిపారు.
కోవిడ్ ప్రభావంతో మీ జీవితంలో ఎలాంటి మార్పులు వచ్చాయి?... కామెంట్ లో చెప్పండి!