సూపర్ స్టార్ రజినీకాంత్ ఇటీవల చేస్తున్న కార్యక్రమాల కారణంగా సోషల్ మీడియాలో చాలా మంది ఆయనను సంఘీ అని పిలిచేవారు. కాలా సినిమాలో ఒకరి కాళ్లపై మరొకరు పడడాన్ని వ్యతిరేకంగా వ్యవహరించిన రజినీకాంత్ జైలర్ విడుదల సమయంలో ఉత్తరప్రదేశ్ ముఖ్యమంత్రి యోగి ఆదిత్యనాథ్ కాళ్లపై పడినప్పటి నుంచి సోషల్ మీడియాలో కొన్ని నెగిటివ్ కామెంట్స్ ఎదుర్కొన్నారు.
అంతేకాకుండా ఇటీవల అయోధ్యలో జరిగిన రామాలయ ప్రతిష్ఠా కార్యక్రమంలో పాల్గొనడం ద్వారా 500 ఏళ్ల నాటి సమస్య పరిష్కారమైందని రజనీకాంత్ చేసిన ప్రకటన, తన చిత్రం వల్లిలో బాబ్రీ మసీదు కూల్చివేత గురించి ఆయన చెప్పిన డైలాగ్ సోషల్ మీడియాలో పోస్ట్ కావడంతో చాలా మంది ఆయనను సంఘీ అని విమర్శించారు.
'లాల్ సలాం' ఆడియో వేడుకలో రజినీకాంత్ కూతురు ఐశ్వర్య రజినీకాంత్ మాట్లాడుతూ.. మా నాన్నను సంఘీ అంటున్నారు. అతను సంఘీ కాదు. రజినీకాంత్ సంఘీ కాదు. ఈ సినిమా చూస్తే మీకే అర్థమవుతుంది'' అన్నారు.
సంఘీ చెడ్డ మాట అని ఐశ్వర్య చెప్పలేదని రజినీకాంత్ స్పష్టం చేశారు. చెన్నై విమానాశ్రయంలో రజినీకాంత్ విలేకరులతో మాట్లాడుతూ. సంఘీ చెడ్డ పదం అని ఐశ్వర్య ఎక్కడా చెప్పలేదని .. తన తండ్రి ఆధ్యాత్మికవేత్త అని, అన్ని మతాల ప్రేమికుడు అని అన్నారు. అందుకే తనను ఇలా పిలుస్తున్నారని ఐశ్వర్య అభిప్రాయపడింది.