నటి రష్మిక మందన్న ఇప్పుడు భారతీయ చలనచిత్ర పరిశ్రమలోని అగ్ర కథానాయికలలో ఒకరిగా మారింది. కన్నడ చిత్రం కిరిక్ పార్టీతో తన ప్రయాణాన్ని ప్రారంభించిన ఈ నటి తెలుగు చిత్రం గీత గోవిందం ద్వారా మరికొంత ఖ్యాతిని పొందింది.
ఆ తర్వాత రష్మిక తమిళం, హిందీ సినిమాల్లో కూడా నటించడం మొదలుపెట్టింది. తెలుగులో పుష్ప చిత్రంలో రష్మిక నటించింది.
పుష్ప విజయం తర్వాత, నటి రష్మిక మందన్న భారతదేశం అంతటా పాపులర్ నటిగా మారడం ప్రారంభించింది. ఈ తరుణంలో 'పుష్ప' రెండో భాగం ఈ ఏడాది ఆగస్టులో విడుదల కానుంది.
ఈ సినిమాలో అల్లు అర్జున్, ఫహాద్ ఫాజిల్ ల పేస్ - ఆఫ్ సీన్స్ కోసం అభిమానులు ఎంతో ఆసక్తిగా ఎదురుచూస్తున్నారు.
తాజాగా జపాన్‌లో జరిగిన ఓ ఇంటర్వ్యూలో రష్మిక తన పాత్ర గురించి మాట్లాడింది.
రష్మిక మాట్లాడుతూ.. ‘‘పుష్ప 2 సినిమా పెద్ద హిట్ అవుతుందని ఖచ్చితంగా చెప్పగలను. సినిమా షూటింగ్ సగం పూర్తయింది...అందులో సూపర్ డూపర్ సాంగ్ ఉంది.
ఏ సినిమాలో నటించినా కొద్ది రోజుల్లోనే అది మన మనసుకు దగ్గరైపోతుంది, షూట్ అయిపోగానే మనసులో కొంత బాధ ఉంటుంది.
'పుష్ప' షూటింగ్ సమయంలోనూ అలాగే అనిపించింది. పుష్ప షూటింగ్ స్పాట్ లో ఉన్నప్పుడల్లా నేను నా ఇంట్లో ఉన్నట్లు భావించాను. 'పుష్ప 2'లో అల్లు అర్జున్ భార్యగా నటిస్తున్నాను.
పుష్ప భార్య కావడంతో ఆమె భుజాలపై ఇంకా కొన్ని బాధ్యతలు ఉన్నాయి. పార్ట్ 2లో చాలా మసాలా ఉంటుంది. అభిమానులకు తప్పకుండా నచ్చుతుంది'' అని రష్మిక అన్నారు.