ముంబై వరుస పేలుళ్ల కేసులో వాంటెడ్ గా ఉన్న దావూద్ ఇబ్రహీం పాకిస్థాన్ లో తలదాచుకుంటున్నాడు. ఇటీవల ఆయనకు విషమిచ్చి చంపే ప్రయత్నం జరిగినట్లు వార్తలు వచ్చాయి. దావూద్ ఇబ్రహీం స్వస్థలం మహారాష్ట్రలోని రత్నగిరి జిల్లాలో ఉంది. దావూద్ ఇబ్రహీం కుటుంబ ఆస్తులు ఉన్నాయి. అక్రమ రవాణా, విదేశీ మారకద్రవ్యం నిరోధక చట్టం కింద ఈ ఆస్తులను కేంద్ర ప్రభుత్వం జప్తు చేసింది. 2018లో ఆరు ఇళ్లు, ఒక రెస్టారెంట్, ఒక గెస్ట్ హౌస్ను రూ.11.50 కోట్లకు వేలం వేశారు.
మొదట్లో దావూద్ ఇబ్రహీం ఆస్తులను వేలం వేసినపుడు ఎవరూ ముందుకు రాలేదు. దీనిని నిరంతరం వేలం వేసిన తర్వాతే ప్రజలు దానినికొనుగోలు చేశారు. 2020లో రత్నగిరి జిల్లాలో రెండు ప్లాట్లు, పనిచేయని పెట్రోల్ బంకును వేలం వేశారు. అవి దావూద్ ఇబ్రహీం సోదరి హసీనా పార్కర్ పేరిట ఉన్నాయి. మరికొన్ని దావూద్ ఇబ్రహీం ఆస్తులను కేంద్ర ప్రభుత్వం జప్తు చేయగా, ఇంకా వేలం వేయాల్సి ఉంది.
కేంద్ర ప్రభుత్వం ఆస్తులను వేలం వేయాలని నిర్ణయించింది. రత్నగిరి జిల్లా ఖేడ్ తాలూకాలోని ఓ బంగ్లా, మామిడి తోటతో సహా మొత్తం నాలుగు ఆస్తులను వేలం వేయనున్నారు. జనవరి 5న వేలం నిర్వహించనున్నట్లు కేంద్ర ప్రభుత్వ అధికారులు తెలిపారు.