గుజరాత్ లోని సూరత్ కు చెందిన తాన్యా సింగ్ (28). మోడల్, ఫ్యాషన్ డిజైనర్ అయిన ఆమె తల్లిదండ్రులతో కలిసి ఉంటోంది. సోమవారం ఉదయం తాన్యాసింగ్ తండ్రి భన్వర్ సింగ్ ఆమెను లేపేందుకు వెళ్లాడు. అప్పుడే ఆమె ఉరేసుకున్న విషయం తెలిసింది.
ఈ విషయాన్ని వెంటనే పోలీసులకు తెలియజేశారు. పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకుని పోస్టుమార్టంకు తరలించారు. అనంతరం మృతదేహాన్ని తల్లిదండ్రులకు అప్పగించారు. అలాగే, ఆమె ఇంటిని తనిఖీ చేయగా ఎలాంటి సూసైడ్ నోట్స్ లభించలేదు. ఆత్మహత్యకు గల కారణాలపై పోలీసులు దర్యాప్తు చేస్తున్నారు.
ఇండియన్ ప్రీమియర్ లీగ్ (ఐపీఎల్) క్రికెటర్ అభిషేక్ శర్మ, తాన్యా సింగ్ చాలా క్లోజ్ ఫ్రెండ్స్. 'ఆత్మహత్య చేసుకున్న తాన్యా సింగ్తో సన్రైజర్స్ హైదరాబాద్ ఆల్రౌండర్ అభిషేక్ శర్మ సన్నిహితంగా ఉండేవాడు. అయితే ఇటీవలి కాలంలో తాన్యా సింగ్ పంపిన సందేశాలకు ఆయన స్పందించలేదు.
తాన్యా సింగ్ సెల్ ఫోన్ కాంటాక్ట్ వివరాలను సేకరిస్తున్నాం. అభిషేక్ శర్మను నేరుగా విచారించేందుకు నోటీసులు పంపే అంశాన్ని పరిశీలిస్తున్నాం. పలు కోణాల్లో దర్యాప్తు చేస్తున్నాం. తదుపరి కార్యాచరణను త్వరలోనే ప్రకటిస్తామన్నారు.