15 ఏళ్ల బాలికపై ఆమె తల్లిదండ్రుల ముందే సామూహిక అత్యాచారానికి పాల్పడిన ఘటన మధ్యప్రదేశ్ లో చోటుచేసుకుంది.
గ్వాలియర్ జిల్లాలోని భన్వర్ పూర్ ప్రాంతంలో ఈ ఘటన చోటు చేసుకుంది.
బాధిత కుటుంబం నెల రోజుల క్రితమే ఈ ప్రాంతానికి వచ్చింది. సోమవారం రాత్రి తల్లిదండ్రులను ముగ్గురు వ్యక్తులు తుపాకీతో బెదిరించి 15 ఏళ్ల కుమార్తెపై సామూహిక అత్యాచారానికి పాల్పడ్డారు.
దీంతో బాధితురాలి కుటుంబసభ్యులు పోలీసులకు ఫిర్యాదు చేశారు. అనంతరం పోలీసులు ఓ అనుమానితుడిని అరెస్టు చేశారు.
సోమవారం రాత్రి భన్వర్ పూర్ ప్రాంతంలో ఈ ఘటన జరిగిందని అదనపు పోలీసు సూపరింటెండెంట్ (ASP) హృషికేశ్ మీనా తెలిపారు.
అయితే ఈ ఘటన జరిగిన రెండు రోజులకే దీనిపై మాకు ఫిర్యాదు అందింది. అందుకు అనుగుణంగానే ఓ అనుమానితుడిని అరెస్టు చేశారు.
తదుపరి దర్యాప్తు కొనసాగుతోందని తెలిపారు.